[FACE周刊第332期]愛的逃兵　唐詩詠
共 4441 浏览 10 回帖&&
积分: 37215
发帖: 75933 篇
在线时长: 3145 小时
[FACE周刊第332期]愛的逃兵　唐詩詠
[FACE周刊第332期]面對面　愛的逃兵　唐詩詠
不管電影還是電視，與其來來去去那幾個，我更渴望見到新面孔。
彭氏兄弟的《逃出生天》總算肯嘗新，用唐詩詠配古天樂。
雖然不是第一次拍電影，不過第一部 3D災難鉅製、第一次配一線男星，我認為，這一次對唐詩詠來說，不只是事業邁出一大步，終於與沒完沒了糾纏了 8年的「邦女郎」身份說再見、男主角從崔建邦換成古天樂，才真正是「逃出生天」。
對於新緋聞，唐詩詠說：「因為太假，所以不生氣。」
對於前度，唐詩詠說：「咁多年，大家都抱住追劇嘅心態去睇呢段感情，揣測總比事實多……其實，我唔係大家想像中咁易恰……」
32歲，入行第 13年，唐詩詠才剛剛學會 say no，拒絕再提崔建邦，被問到現在的感情狀況，照搬新拍檔古天樂多年最愛說的兩個字：「唔講」！
雖然用起來有點生硬、說完了臉有點紅、需要大笑兩聲圓場、然後轉個頭再問又故態復萌照答，不過，對 8年都沒法從崔建邦身邊逃開的唐詩詠來說，總算是個新開始。
多一事，不如……
唐詩詠， 99年 18歲開始做o靚模，二千年參演港台青春劇《青春@Y2K》。
同劇的余文樂、蔡卓妍先行上位拍電影、做偶像歌手，唐詩詠遲了一步， 03年簽約無綫做電視台。
好處是長期有工開、有鏡出；壞處是外形太 true、太 pure，就變成電視台「阿妹」專業戶。做了七年人哋個妹，才等到李添勝邀拍《鐵馬尋橋》掃埋飛躍獎，再等三年，才熬出頭被古天樂相中拍電影……演員都愛說，最難的，一直都是：等。
「頭幾年喺電視台，最迷惘、最灰心，每次接到劇本一睇：吓……又係人哋個妹……又係嗰啲嘢……
我記得第一個改變我諗法嘅人係陳國邦，係佢教識我問自己：到底係每個角色似、定係我自己嘅諗法每次一成不變？做演員，收到劇本唔應該係埋怨佢太似過往，應該諗吓點樣做到佢唔似。
2009年，係我嘅轉捩點，陳國邦點醒我用唔同角度睇事情；添哥（李添勝）搵我拍《鐵馬尋橋》，第一次有人見到我可以做阿妹以外嘅角色；媽咪因為心臟病去世，令我拍喊戲喊到收唔到聲，先至會得到『飛躍進步』獎……以前細個唔知，人長大就明白，做人嘅成就原來唔係個人功勞，係身邊嘅良師益友同伯樂嘅功勞，咁多年，添哥係我喺電視台嘅伯樂，古天樂就係我喺電影圈嘅伯樂。」
《逃出生天》電影未上畫，緋聞先上演，有傳古天樂看中唐詩詠五官酷似舊愛黃襈瑩，特此欽點參演《逃》演情侶：「係古天樂向導演提議搵我，呢個係真，不過緋聞係假……我係嗰種多一事不如少一事嘅人，最怕做新聞女主角，不過慢慢都由唔慣到慣，反正係假，怕咩你哋講？」
《逃出生天》戲裏，是古天樂的未婚妻；戲外，被傳是古天樂的新歡，唐詩詠話：「好假！」。
唐詩詠對上的劇集話題作，是《神探高倫布》喪小三「梅妹」：「添哥（李添勝）係我伯樂，次次都夠膽畀我試新嘢。」
接拍《鐵馬尋橋》同年，母親因為心臟病離世：「所以我拍劇時喊得特別投入，嗰年係我事業轉捩點。」《蘋果日報》圖片
99年開始做?模，二千年與余文樂、蔡卓妍合拍港台劇《 Y2K》，余文樂當年未搭上盧巧音前，與唐詩詠是一對。《忽然 1周》圖片
10年獲得台慶夜「飛躍進步女演員」大獎，唐詩話獲獎作《鐵馬尋橋》監製李添勝是第一個不用她做「阿妹」的伯樂。《蘋果日報》圖片
生日，要留給……
話說 09年，唐母因為心臟病離世，事發前一點先兆也沒有。
突如其來失去母親，唐詩詠說，讓自己一夜之間成長、也在一夜之間看清楚人生的目標：不是最佳女主角、亦並非最佳男朋友，要的，就是一個完整的家，僅此而已。
「哥哥結咗婚、阿嫂又有咗 BB， 11月就生得，爹哋亦都返咗香港，咁多年，啱啱過嘅中秋，最有家嘅味道……細細個，爸爸就同媽咪分開，爹哋喺大陸做生意、媽咪周圍走傾保險，小時候嘅記憶，永遠得我同阿哥。到出嚟做嘢，我要搵食、媽咪又要搵食，好唔容易，會喺工作同工作之間攝個 break、見個面，有時實在夾唔啱，就惟有同大家講：咁下次先啦……
其實做人未必有下次，所以我覺得個天送咗個最好嘅安排畀我，就係喺媽咪最後嗰幾個月，我唔使開工、媽咪又要日日覆診，每日由我揸車，由九龍塘送佢去香港仔睇醫生，o依家諗番，嗰幾個月，得我同媽咪，嗰一刻寧靜嘅車程，就係我最幸福嘅日子。喪親，有啲人可能好快回復， sorry，我唔得，無謂太唔專業失控，我到o依家都冇辦法接母親節騷； fans咁多年都想幫我搞生日會，我都唔可以喺正日滿足佢哋，嗰日太特別，一個人我會易過啲；媽咪話自己喺鄉下福州係千金小姐，我一直都唔信，直到佢葬禮嚟咗好多親戚，我先至知佢原來唔係吹水……所以咁多年，我都冇辦法再睇《 Big Fish》（大魚奇緣），我諗因為我放唔低，所以媽咪都唔捨得去投胎，呢幾年我覺得佢一直喺身邊冇走過……佢以前好鍾意跟住我開工，我o依家就擺咗佢張相喺銀包，去到邊都畀佢跟住我。
以前佢好鍾意挑剔我，話我髮型有問題、話我做戲鍾意皺眉，好煩o架……但係o依家真係好想有個人煩住我，做完戲好想知：唔知媽咪睇完，又有咩想哦我呢？」
時間、人物、地點……
唐詩詠說，母親去世的時候還把自己當小女孩，怕她吃不飽、穿不暖、被人欺：「佢同好多人都擔心錯，我同媽咪一模一樣，外表柔弱、唔多出聲，其實 tough喺入邊，絕對唔係易恰！」
說得對，「易恰」無疑就是唐詩詠的性格和經歷神髓，前男友崔建邦一而再再而三犯下了天下男人會犯的錯，唐詩詠還是守在身邊。甚麼「不捨不棄」、甚麼「不論貧富」，這些總是與唐詩詠畫等號的形容詞，她說是追劇觀眾的一廂情願，她說「邦女郎」亦有落畫的一天。
「我明，咁多年我都係得佢一個，大家唔多唔少都抱住個追劇心態……但係太多嘢係別人強加落去，真正屬於我哋兩個嘅嘢已經太少。其實兩個人嘅事，外人會知咩？其實我係唔係真係咁柔弱？唔係囉……會唔會再做番情侶，我唔敢講。可以講嘅係，今年我 32歲，嗰個啱嘅人、啱嘅時機仲未喺我身邊出現。就算喺，我都唔希望喺o依家。最終，我都係想要一個完整嘅屋企，畀我嘅小朋友自己細個最缺乏嘅關愛，到我結婚生仔，一定就會徹底同呢行講 bye bye，所以，唔該， Mr. Right唔好出現住，我仲想為自己努力多幾年先！」
05年做《 K100》主持與崔建邦撻着，多年來男方爛滾、醉駕又打女人，都有唐詩詠在身邊：「不離不棄係外人講，其實我哋兩個嘅嘢你哋永遠唔會知。」
唐詩詠一向專一少緋聞，是宅男及父母輩最愛女朋友人選，曾經被傳被陳宇琛力追，更深得陳父石修歡心。《蘋果日報》圖片
新電影、新造型、新對手、新緋聞……站在面前的唐詩詠，確實有點脫胎換骨的意思，不再是那個混身上下電視味的人哋個妹。
外表柔弱，內裏堅定，全民都愛替她打抱不平……我左看右看，覺得唐詩詠很有大婆氣質，很適合做港版《犀利人妻》、 2013版《再見亦是老婆》。
韓劇拍極唔厭的題材、全人類最易投入的小三恰人妻橋段、《再見亦是老婆》播完 19年囉，無綫開劇、唐詩詠主演，我睇好係潛力神劇、我擔保會捧場喎！
&撰文：朱小博
攝影：范仲良
化妝： Jessica Chan
髮型： Nick Lam（ .hk）
形象： Sarona Lo
服裝： EQ:IQ、 Karen Millen
网易论坛，天天相伴
《师父明白了》：很想很想，很信很信。
boboHtml = '';
html += boboH
NTES(".bobo-list").attr("innerHTML", function() {
return this.innerHTML +
}, "utf-8");
积分: 37216
发帖: 75933 篇
在线时长: 3145 小时
第 332 期 Face
封面　新婚即分居　22歲李蘊倫敦秘嫁富帥銀行家
真面目　執包袱　撇舊愛　俾賤男呃　雙失林欣彤搬返居屋
真面目　待產夫妻　老婆接奶粉廣告　陳豪停工陪茵媺安胎
真面目　隨時候命　曼玉子怡冇回音　黎芷珊硬推阿佘做後補
真面目　天后爭寵　錫晒高圓圓　千嬅嬲偏心　杜sir爆粗：&！唔好講呢啲嘢！
真面目　長命債　唱吧騷跑數　陳冠希30萬廣州扑頭
真面目　贏要谷　長洲高人改運　港姐陳凱琳谷桃花
&真面目　食神駕到　呆等細細粒暴食　郭晉安嬲到閃《FACE》送禮　送《溝女不離3兄弟》換票證&40
FBI　《飛虎II》受傷冇保險　嘉欣BB自救
FBI　樂基兒恢復夜蒲
&FBI　徐子珊點贏周秀娜
&FBI　周柏豪食豬扒講超雲
FBI　May姐哈到紅
&FBI　《M Club》嫩女泳池激戰
&FBI　本週爆圖　相差23年　嘉玲Baby撞樣？
搜尋氣　11月踩上紅館　《好聲音》Simon哥：唱歌就係命
Beauty Hunt　接栢芝棒　劉馥怡
韓面　複製《三田》　崔智友日日焗桑拿
K-POP王　T-ara素妍引爆　K-pop偶像戀一觸即發
日面　半澤直樹堺雅人　上位要在中年後
FACEweekly　狂舞之「后」　顏卓靈
面對面　愛的逃兵　唐詩詠
星座達人　行運最緊要揀啱鞋
网易论坛，天天相伴
《师父明白了》：很想很想，很信很信。
积分: 37217
发帖: 75933 篇
在线时长: 3145 小时
[FACE周刊第332期]真面目　待產夫妻　老婆接奶粉廣告　陳豪停工陪茵媺安胎
幸福滿瀉上週六（ 28日），陳茵媺在晨早 5時落機，愛妻號陳豪一見太太便即刻上前輕撫嬌妻凸起的小腹，成副幸福樣。
金童玉女陳豪、陳茵媺呢 pair本來已經平易近人萬千寵愛，五月有餡、六月成婚以來，更加係雙喜臨門心情靚爆，去到邊都幸福甜蜜仲有能耐感染埋身邊人。上週六（ 28日）清晨五點，陳茵媺回港待產，小別兩個月嘅老公陳豪接機，影相訪問簽名仲同全場記者大合照，榮登最受歡迎圈中伉儷！
結婚係計劃之中， BB就係意料之外，搞到好好先生陳豪陣腳大亂，原定的離巢、北上、做生意大計全部要重新計劃，除了搵真銀的奶粉廣告，陳豪實行停工至下年，等老婆生完至算。
晒巨鑽陳嫂回歸，手上多咗隻巨鑽，挺住 5個月的陳茵媺：「頭幾個月係咁攬住個廁所嘔，哈哈哈！」
七月風塵僕僕飛去多倫多擺酒，新郎哥陳豪前後停留九日就丟低大肚嬌妻趕回港，無非為咗開工賺多啲奶粉錢。週六（ 28日）離開機場後，齊齊返回大埔比華利山三千萬新裝獨立屋，由陳豪向 Aimee展示親自設計及監工新屋成果。兩公婆新屋落腳後，除咗開開心心迎接新生命，亦有頭痕位，就係要乖乖同 TVB傾新約。
自從二千年從電影圈轉陣電視、簽約無綫，陳豪極速晉升一線小生，亦任勞任怨長年埋首電視城耕耘。十三年後，陳豪地位非一般，諗頭亦都唔同當初，年初與無綫合約尚有一年未屆滿時，已經高調放話打算向外闖。
「都係諗好晒，先至夠膽講出嚟嘅！其實阿 Mo一直好想做生意，呢幾年拍劇都係主要同老拍檔合作，唔係咩劇都肯拍。咁戚其義、梅小青、劉家豪都離開無綫囉，所以佢都唔想再留。本來嘅計劃係簽 TVBC，做生意為主，其他時間北上拍劇搵真銀，結果五月 Aimee有咗 BB，計劃就亂晒！」陳豪身邊人透露。
陳豪最近忙為電影《點對點》趕戲，據知《點》片將於今週煞科，之後陳豪便會停工數月，只接商演廣告等活動，全心陪太太待產。《蘋果日報》圖片
陳豪週日（ 29日）再為電影《點對點》開工，對於兩公婆齊齊拍廣告搵錢，陳豪笑住話：「等經理人安排，有人接觸過！」
陳茵媺雖懷胎 5個月，但難得四肢仍然好纖瘦，上車都仲好輕鬆，週日（ 29日）揸車出外仲發生小意外，幸好大人 BB都無恙。
直返新居陳豪為阿 B，晨早已用 3,000萬買下大埔比華利山別墅畀老婆及 BB享用，接機後陳豪即驅車返去新豪竇。《蘋果日報》圖片
現正跟無綫傾續約的陳豪，獲樂易玲優厚條件挽留，據知將為人父的陳豪留 TVB機會頗大。
年初幾乎立定主意不續約，本來還埋《法外風雲》及下年另一套由新監製陳耀全拍攝的新劇兩個劇債就全力北上，如今太太有餡當然就要另作打算。
據悉為不想長期丟下妻兒，陳豪先打消北上拍劇念頭，又為保持固定曝光和收入養家，陳豪正式與無綫商討新約細則中。為妻兒焗留低的陳豪亦實行兵分兩路，趁住幸福待產期，積極與 Aimee齊齊接廣告搵快錢。而形象正面的陳氏伉儷亦確實有價有市， Aimee懷孕後期及產後一年的工作表，已經被廣告商及客戶 mark實，除了陳太今週以 20萬接一手表活動外，盛傳極有機會接下的奶粉廣告就有八位數字酬勞。對於夫妻檔搵食，陳豪週日則說：「等經理人安排，有人接觸過！」
御用監製閃晒
陳豪拍劇受歡迎，近年更成為三大監製戚其義、梅小青和劉家豪的御用男主角，可惜以上三人已分別離巢， 13年唯一拍過的劇集《法外風雲》是由新回巢監製徐正康拍攝，朝中冇晒相熟監製，筍盤就算肯續約都要跟其他人磨合。
陳豪套台慶劇《法外風雲》將於 10月 14日播出，監製係回巢的徐正康，女主角又係甚少合作的陳法拉。
拍新監製據知陳豪在下年約滿前雖會多拍一劇，監製則是新晉升的監製陳耀全（中），作品有《師父明白了》，但成績麻麻。
《點解阿 Sir係阿 Sir》監製：劉家豪
《公主嫁到》監製：梅小青
《金枝Ⅱ》監製：戚其義
採訪、撰文、攝影：娛樂組
网易论坛，天天相伴
《师父明白了》：很想很想，很信很信。
积分: 37529
发帖: 75946 篇
在线时长: 3168 小时
[FACE周刊第332期]真面目　隨時候命　曼玉子怡冇回音　黎芷珊硬推阿佘做後補
o依家人數仲未夠！（真實對白）黎芷珊坦言嘉賓未夠數，大叫嘉賓好難約，有可能搵佘詩曼等視后頂上。
等到頸都長，黎芷珊嘅《最佳女主角》本週開播，一口氣公布咗 15位嘉賓包括鄭秀文、劉嘉玲和陳慧琳等，比《男主角》得 13人更多。
但今次一開就 35集，節目週一（ 30日）開播卻仲未湊夠人數，芷珊急急開 turbo搵嘉賓。據知搵過張曼玉、章子怡、周迅和蕭芳芳中港四大名旦都仍未有回音，時間無多隨時要搵視后佘詩曼、楊怡等頂上，《最佳女主角》分分鐘跌 watt。
去年黎芷珊憑《最佳男主角》奪得「最佳主持獎」，當時已籌劃《最佳女主角》。上輯成績好，亦令芷珊有較大話事權，除了嘉賓和訪問內容可自定，連攝影隊都指定用番上次成隊人。
連黎芷珊都話係拍攝經年嘅《最佳女主角》終於在本週一晚首播，拍攝時間長的原因是嘉賓難約，加上監製何小慧決定由本來 20集大幅加到 35集，令黎芷珊搵嘉賓時非常吃力。
失色女主角
上年《最佳男主角》收視最高是謝霆鋒，達 26點，霆鋒更自爆生皮膚癌，今次能否破收視紀錄就要拭目以待。
去年《最佳男主角》所有嘉賓都真係影帝級人馬，但《最佳女主角》則因為集數增加，搵嘉賓亦不限於影后，部分如梁詠琪、毛舜筠和葉玉卿都未攞過女主角獎。
據知情人士透露，黎芷珊已好努力約嘉賓，心目中的人選還有張曼玉、章子怡、周迅及蕭芳芳，可惜多月來仍未聯絡得上或對方考慮當中未答覆，此時 TVB亦已決定趁台慶檔期時將節目播出。芷珊亦惟有留兩手準備，必要時將由 TVB視后頂上，首選是已剛回巢 TVB簽約內地 TVBC的佘詩曼；而楊怡、胡杏兒亦在後補之列。
上週四（ 26日）黎芷珊在《最佳女主角》宣傳活動上，表示的確未約齊嘉賓：「開頭係 20集，加到 25再加到 30、 35集囉，其實唔係集數令我大壓力，係上次《男主角》反應非常好，令我希望 keep到個水準，同埋大家覺得上次嘅嘉賓有吸引力，所以今次都希望可以保持！」
她又承認約過章子怡、張曼玉等，但未有回音：「係有搵過，都有可能o架！我會得咗至公布囉！仲有好多人想請，o依家嘅人數仲未夠嘅。視后可能有啲會搵嘅，但集中搵咗拍電影嘅先，視后咁多大把啦，佘詩曼係呀，有機會o架！」芷珊又解釋：「揀嘉賓唔一定要攞過女主角獎，譬如梁詠琪每套都係女主角嘛，會 base on咁樣去搵女主角囉。」
劉曉慶　頭炮
首兩集嘉賓是劉曉慶，曾因逃稅被監禁北京秦城監獄， 9年前復出， 2個月前再婚，咁多經歷作為頭炮都算吸引。
劉嘉玲　尾門
劉嘉玲將以壓軸嘉賓身份登場，更會分 4集播出，內容唔少得同梁朝偉的感情和兩人緋聞，更會重談當年被綁架一事。
《蘋果日報》圖片
劉嘉玲週日（ 29日）在尖沙咀出席活動，回應在《最佳女主角》提及當年綁架她的人：「一早原諒咗，o依家做乜訪問都冇禁忌。」
黎芷珊曾約過舒淇和林青霞做嘉賓，可惜失敗，據知現時加緊聯絡的有張曼玉、章子怡、周迅和蕭芳芳等有分量演員，可是成功機會微，必要時將搬出視后頂上，佘詩曼、楊怡和胡杏兒易約得多，但好似削咗啲囉！
整喊女主角
今次《最佳女主角》黎芷珊將「查家宅」式訪問， 15位女主角提到感情事或傷痛經歷，其深入程度令唔少女嘉賓落淚，絕對催淚過上次《男主角》。
劉嘉玲　感激偉仔
劉嘉玲提到初與梁朝偉拍拖時，原來家人都覺得偉仔靚仔又花弗，反對 2人拍拖，後來偉仔主動同外父外母溝通才打好關係，令嘉玲好感動。
陳慧琳　最愛丈夫
陳慧琳在訪問中大談家事，講到丈夫劉健浩對她的愛錫時感觸落淚：「我好好彩可以識到呢個丈夫！」
葉玉卿　三級辛酸
葉玉卿重提當年要犧牲色相才有機會拍電影，成為三級片女主角，當中諗到的辛酸史時亦忍唔住喊。
毛舜筠　掛念哥哥
毛舜筠曾經跟張國榮拍拖，在節目中她再覆述和哥哥的關係， 2人如何開始拍拖，講到眼濕濕。
採訪、撰文、攝影：娛樂組
网易论坛，天天相伴
《师父明白了》：很想很想，很信很信。
积分: 37530
发帖: 75946 篇
在线时长: 3168 小时
[FACE周刊第332期]真面目　贏要谷　長洲高人改運　港姐陳凱琳谷桃花
16:15落船上週二（ 24日）港姐冠軍陳凱琳有半億身家老豆陳桂祥陪入長洲，阿女行得快，但揹着背包的陳父似乎有啲吃力。
今屆港姐冠軍陳凱琳除被喻為近 10年最靚港姐，早前本刊揭發她家底豐厚，老豆炒鋪賺半億，家住九龍塘 5千呎獨立屋，好多人一世都恨唔到。
不過陳凱琳剛剛踩入娛樂圈，想有好發展就要靠觀眾緣，上星期她就帶埋富豪老豆走入長洲，搵高人改運谷人緣桃花，堅係有 heart食娛圈飯喎！
港姐冠軍陳凱琳被喻為近 10年最索港姐，以 17萬票跑出正式加入娛樂圈，但據知陳凱琳好擔心人氣 keep唔住，問過一些師姐意見後，遂決定覓高人增運。
17:45閃人在長洲逗留約個半鐘，失望而回的陳凱琳便搭船返中環。
風水店門面裝修低調，鄭太上週有兩日上廣州睇風水冇開門，令陳凱琳摸門釘。鄭張妙珊師傅店鋪位於長洲西堤道內街，位處偏僻，若非熟人介紹很難找到。前年開業邀請到高海寧、李詩韻和楊思琦等剪綵撐場；不少藝人以及填詞人如鄭國江都是客仔。需要兩星期至一個月前預約，否則就好似陳凱琳咁白走一趟。
店外貼出鄭張妙珊和高海寧等歷年港姐合照。
開張港姐撐
上週二（ 24日）本刊發現陳凱琳同爹哋陳桂祥，由中環坐船到長洲，下午 4點 15分左右落船後，兩父女急急腳沿着碼頭大路直行，突然像有目的地鑽入一條偏僻小巷，但該小巷中只得一間風水公司，雖然港姐冠軍有心搵高人，但似乎她同該名高人冇乜緣，摸門釘的陳凱琳同爹哋只好失望走出小巷，走向碼頭搭船返中環。
上週五（ 27日）陳凱琳出席港姐活動，對於被發現去搵高人指點，她顯得有點避忌：「去見識吓睇吓囉！」
本刊調查得知，該風水公司風水師名叫鄭張妙珊，人稱長洲鄭太，一向在廣州搵食，前年在長洲開分店後幾乎長駐長洲，開幕時有不少港姐如高海寧、楊思琦、李思韻等剪綵助興，有不少娛圈中人幫襯鄭太，擅長睇風水、改運谷桃花等。陳凱琳今次專程入長洲，都是一班師妹教路叫佢谷人緣，可惜摸門釘。
本刊上週五（ 27日）致電找到鄭太，她表示：「好多藝人過嚟都會好低調，係有啲港姐會嚟嘅。我知道今屆個港姐嚟過長洲，但唔知係咪有預約喎，就算佢用真名預約我都唔知佢係咪嗰個港姐，冇預約會摸門釘都唔奇，我有時會上大陸。之後佢有冇再嚟我都唔知，因為預約名單我唔方便透露?。」
上週五（ 27日）陳凱琳出席港姐活動時則回應：「我喺加拿大返香港後未去過長洲，去見識吓睇吓囉！其實我嗰日都喺長洲行咗兩個鐘?！（見到你去搵風水師但係摸門釘喎！）係咩？我哋行入條巷見冇乜嘢就行番出嚟。」 2粒鐘遊長洲，陳凱琳又真係行得幾快喎！
樣靚富貴未滿足
雖然靠靚樣陳凱琳得到 17萬市民投票當選，但反而為她帶來壓力，加上家底豐厚，老豆炒鋪賺近半億，又手持 3間市值約 5千萬商鋪收租，陳凱琳容易俾人覺得身嬌肉貴玩玩吓，要增強人緣運來發展演藝事業。
陳凱琳當選港姐冠軍，陳父及家人在九龍塘 5千呎獨立屋迎接乖女回家，因而被揭家境富裕。
家住的獨立屋市值過億，陳凱琳稱是祖屋，陳父解釋是繼承爸爸遺產得來。
3鋪收租陳父分別在旺角及尖沙咀擁有 3間店鋪收租，市價總值近 5千萬。
'09爆牙陳凱琳舊照曝光， 4年前她未箍牙，爆牙非常明顯，而且膚色黝黑好有賓妹 feel。
'13整齊22歲的她選港姐當堂靚晒，她亦坦言自己膚色較黑，要靠美白用品幫手。
陳凱琳盡吸靚基因
陳凱琳靚爆鏡，孖生細佬同家姐陳凱晴卻被指同陳凱琳「好唔似樣」，家姐更在個人網誌透露曾因為妹妹生得靚而自卑。陳媽媽曾問一句：「妹妹生得這麼漂亮，你會妒忌嗎？」這句關心說話反而令她心中有條刺。
而陳凱琳的孖生細佬，膚色黝黑，五官確如她所說是「西西地」，雖然孖生卻唔似樣，似乎父母啲靚樣基因都傳晒畀陳凱琳，姊弟都無福消受。
家姐唔靚陳凱琳家姐 Joyce雖然外表唔及細妹，但有個 sweet男友，仲好有夫妻相添。
Joyce曾在新城實習開咪，現時在一間英語機構兼職語言導師。
細佬超黑陳凱琳的孖生細佬童年照曝光，曾被傳兩姊弟是在中東出世，之後陳凱琳否認。
撰文、採訪、攝影：娛樂組
网易论坛，天天相伴
《师父明白了》：很想很想，很信很信。
积分: 37531
发帖: 75946 篇
在线时长: 3168 小时
[FACE周刊第332期]真面目　食神駕到　呆等細細粒暴食　郭晉安嬲到閃
勁食薯片細細粒為食到得人驚，拍外景一有機會就搵薯片食。
細細粒陳嘉佳上位靠肥賣可愛，年初憑《老表，你好嘢！》成功彈出，最近仲有份參演新劇《忠奸人》，更可以同郭晉安、田蕊妮及吳卓羲合作，算愈做愈有，不過細細粒為食性格難改，搞到要視帝呆等 2粒鐘，抵打！
狂吞燒賣拍攝前劇組已經放咗飯，之後細細粒再鯨吞幾十粒燒賣都冇問題。
上週三（ 25日），《忠奸人》在九龍城街市附近一間便利店拍外景。當晚演員有齊主角田蕊妮、郭晉安、吳卓羲同細細粒。
食足 3粒鐘
晚上 6點開機拍攝，先拍田蕊妮、細細粒便利店食燒賣傾偈嘅戲，郭晉安 8點多才到，以為差唔多輪到佢出場，點知細細粒一見到燒賣就顧住食，仲食到連對白都講錯勁 NG，最威係連續鯨吞幾十粒燒賣都面不改容，飽字似乎從來冇喺佢身上出現。
拍完便利店場口已經 9點幾，再補拍田蕊妮揸電單車載細細粒，先輪到視帝郭晉安埋位，等極未埋位，安仔等到?惟有揸車由九龍城去到銅鑼灣遊車河兼買雪糕降火，而同場的吳卓羲亦一樣在街邊等到發呆。問細細粒覺唔覺阻住進度，她說︰「個 rundown係遲咗，我諗唔關我事啩？」講到明唔減肥嘅細細粒︰「工作忙嗰陣會輕少少， 220磅左右，o依家有 240磅，不過唔想減住呀。」一向 TVB只有大茄等視帝開工，家陣連郭晉安都怕咗佢，細細粒都算係經典囉！
雪糕降火當晚郭晉安留守尾門拍攝，點知細細粒貪食累事，超時 2粒鐘，搞到安仔要揸車過海嘆番杯雪糕降火。
等到發呆當晚場場戲都有細細粒，又為食、又 NG，戲入面飾演警察嘅吳卓羲都要等。
大塊田要揸電單車載細細粒，點知佢一上車搞到車頭翹起，嚇親大塊田。
撰文︰娛樂組
攝影︰林迅景
网易论坛，天天相伴
《师父明白了》：很想很想，很信很信。
积分: 37532
发帖: 75946 篇
在线时长: 3168 小时
[FACE周刊第332期]FBI　《飛虎 II》受傷冇保險　嘉欣 BB自救
點知，走到第 5步，馬神上身傾前失重心，將成個嘉欣 BB拋出去，嚇到嘉欣 BB擘大口大嗌，呢個表情係真嘅，唔係做戲o架！
TVB新劇《飛虎 II》，開拍以嚟頻頻發生意外，之前有羅仲謙、梁烈唯同王君馨受傷，最近就輪到飾演警察卧底嘅嘉欣 BB（鍾嘉欣）成為受害者。
話說週日（ 29日），嘉欣 BB同馬神（馬德鐘）喺屯門拍攝一場爆破場面時，雖然事前做足準備，但意外不似預期，正式拍攝時，馬神抱起嘉欣 BB逃離爆炸現場期間，跑到 4至 5步後因失重心，將嘉欣 BB成個拋落地下，慘變撻生魚嘅嘉欣 BB，除手腳擦損，左手掌仲甩咗忽肉，咁鬼痛，梗係當場喊到收唔到聲啦！
雖然受傷仲差啲毀容，但嘉欣 BB只休息 20分鐘後仍死頂拍完場戲，之後先去睇醫生，搏到盡。不過 FBI收到風，當日 TVB原來冇同嘉欣 BB買保險，連去睇醫生都要嘉欣 BB自己去添呀！如果係真，嘉欣今次真係名副其實貼錢開工咯！
週日（ 29日），鍾嘉欣同馬德鐘去到屯門幫《飛虎 II》拍煞科戲。當日， 2人要拍一場馬神抱住嘉欣 BB逃離爆炸現場嘅場面，起步時都走得好好哋。
嘉欣 BB跌落地後，馬神避免壓住佢，即用手撐住地下，然後向前打咗幾個筋斗，如果馬神真係壓咗落嘉欣個身，就一定會俾人話佢鹹豬?喇，佢有前科，梗棹忌啦！
之後，工作人員上前照顧嘉欣 BB，嘉欣擦傷手腳兼且左手掌甩咗忽肉；而喺劇中扮壞人嘅胡定欣，亦上前幫嘉欣 BB用清水洗傷口。
馬神亦要工作人員幫手驗傷，最後搞到右手兩條韌帶撕裂，要瞓醫院添！其實傷勢嚴重過嘉欣 BB o架！
意外當日，嘉欣 BB睇完醫生後，即喺自己微博報平安，仲舉 V話自己好快好番，嘉欣 BB班 fans放心晒啦！
撰文、攝影： FBI
网易论坛，天天相伴
《师父明白了》：很想很想，很信很信。
积分: 37533
发帖: 75946 篇
在线时长: 3168 小时
[FACE周刊第332期]FBI　徐子珊點贏周秀娜
胸懷大痣嘅子珊，估唔到收埋咗咁多年先晒出來。 FBI聽講胸部有癦嘅女人係富貴相嚟，咁珊姐粒癦咁大，應該好有米喎！
有人話徐子珊喺《神鎗狙擊》疑似露點， FBI都係半信半疑，不過上星期二喺活動見到佢，就真係見到佢胸前個「點」喇！當日子珊雖然無特別谷胸，但就真空出現，仲好不經意咁騷咗喺左胸嘅癦，子珊話：「阿媽生成，好彩粒痣冇愈生愈大。唔好望啦……好尷尬！」就係咁「點」贏咗同場嘅周秀娜，娜姐呢日忽然保守，擺明讓球啫！
子珊自己都話：「論身材唔夠佢（ Chrissie），我冇得比！」不過呢日佢勝在夠搏，所以贏咗娜姐！
撰文、攝影： FBI
网易论坛，天天相伴
《师父明白了》：很想很想，很信很信。
积分: 37534
发帖: 75946 篇
在线时长: 3169 小时
[FACE周刊第332期]FBI　《 M Club》嫩女泳池激戰
曾志偉有份監製嘅 TVB新劇《 M Club》拍得如火如荼，飾演一班中女嫩口版嘅女演員表現亦相當唔錯，上星期五， FBI佢哋仲拍咗一場落水戲，咁精采， FBI當然唔會甩漏啦！
話說呢場喺烏溪沙一個俱樂部拍嘅戲，講李若彤等女主角諗番起佢哋 80年代嗰陣，一班o靚妹去泳池暢泳，一班少女當然玩得非常開心，全程只需着住泳衣嘻嘻哈哈冇對白。糖妹、 Anjaylia（陳嘉寶）同 Super Girls嘅 Cheronna（吳嘉熙）等 6個嫩版主角朝早到咗泳池熱吓身就即刻開始水戰，仲玩到攬埋一嚿鬼咁投入，衰在人人着住一件頭泳衣而唔係三點式呀，否則真係仲好睇喎！
Anjaylia雖然冇乜事業線，但都勝在激罕着泳衣！
糖妹成朝都遮遮掩掩怕俾 FBI影到佢着泳衣。其實得 4呎 10吋嘅糖妹身形唔好 FBI當然預咗，呢日仲有個小肚腩凸埋出嚟，不如佢企定定擺個靚甫士畀 FBI影靚佢咪仲好。
Super Girls嘅 Cheronna係就係有啲「大隻」，但勝在比例 ok，最重要就係大大方方擺晒甫士任影， FBI要畀個「 LIKE」你！
一班o靚妹上游水堂前先接受老師訓話， FBI唔係好明點解學生一定要紮孖辮嘅？
FBI八到原來導演曾提出過着三點式，不過監製曾志偉同陳維冠就 say no。其實都啱嘅，諗起 80年代冇?家咁多港女肯着三點式，唔使冒穿崩險，又唔使嘥口水氹班女，快快趣趣拍完即閃仲好啦！
撰文、攝影： FBI
网易论坛，天天相伴
《师父明白了》：很想很想，很信很信。
积分: 37535
发帖: 75946 篇
在线时长: 3169 小时
[FACE周刊第332期]星座達人　行運最緊要揀啱鞋
10月 1至 7日預測：時裝方面，不單服裝，就算鞋亦佔着很重要的地位，原來鞋亦可為你帶來好運。究竟怎樣的鞋才可為你提升運氣。通常行運的人，往往是因為他挑選了適合自己的鞋；而懂得將鞋保養得好好的人，往往亦會行好運。首先如選鞋最緊要尺碼合適，不要過大或過小，必要着得舒服。如鞋太舊或破爛，不宜再穿。最後鞋的款式及顏色要配合，自己感覺自然，別人也看得自然，運勢也相繼提升。
天秤座 24/ 9- 23/ 10
現正是天秤座的季節。 4日下午、 5、 6日屬快順日，不妨許願，亦適宜傾生意，或跟戀人約會，甚至求婚。 1日行中吉運； 2、 3、 4日上午行小吉運，不妨邀約客人或朋友，然後到 4日下午， 5、 6日正式與客人及朋友會面，預測雙方可度過愉快的一天。健康方面，恐防足部受傷，做運動時要小心。
幸運日： 4日下午、 5、 6日得心應手
黑仔日： 2、 3、 4日上午物極必反
幸運物：附絲帶飾物
水瓶座 21/ 1- 19/ 2
今週是時候再計劃下次揚帆出海的大計。水瓶座人士中，必有一些人在大運年完結後仍未有大躍進，但別放棄，因人必要向前走，在設定大目標前，不妨先定下小目標，因為明年的 9月便是水瓶座的心機一轉運之年的開始。故現時最好為未來做定計劃。健康方面，預測足部出現問題，有空宜去做腳底按摩。
幸運日： 4日下午、 5、 6日時來運到
黑仔日： 7日凡事多阻滯
幸運物：豹紋服裝
天蠍座 24/ 10- 22/ 11
今週桃花運持續，但下週開始，桃花運的運勢將減弱，宜好好把握時機，說不定今週將出現命中人，所以每日的活動，別只限於屋企及公司；放工後，不妨多外出，尤其去一些你心儀對象出沒的地方。如朋友搞派對或公司搞交流會，不妨積極出席，只要多花心思打扮，不難吸引到異性注意。
幸運日： 7日宜早睡早起
黑仔日： 1日恐防雪上加霜
幸運物：牛仔褲
雙子座 22/ 5- 21/ 6
今週的 4日下午， 5、 6日屬快順日，於 5日星期六返工的人，雖然只得半日假，但亦要好好利用。雖然星期六要返半晝工的人，感覺上好像未能盡興，但只要將時間安排得妥當，就算只得半日假亦可過得充實。 4日下午、 5、 6日屬大吉日，宜求婚，宣布婚訊以及結婚。單身人士將於 5日出現新戀情。
幸運日： 4日下午、 5、 6日得一想二
黑仔日： 2、 3、 4日多是非
幸運物：蛋撻
巨蟹座 22/ 6- 22/ 7
現雖處身凶月中，但愛情運持續良好。今週可能出現不少開心的情況，但緊記現正處於凶月中，不要因只顧沉迷戀愛而忽略工作。每逢凶月，身邊或多或少都會有一些陷阱存在，如一個不留神，恐防墮進陷阱便難以翻身，如能一心兼顧愛情及事業就是最佳解決方法。健康方面，注意呼吸系統不暢順。
幸運日： 7日尖沙咀出現戀之預感
黑仔日： 4日下午、 5、 6日下半年最大級厄日
幸運物：旅行用品
人馬座 23/ 11- 22/ 12
今週宜埋首於網絡世界。因每個人並非靠自己便可以生活，因社會是需要人與人之間互相利用，互相幫助。雖然有些人在家已可以工作，但亦需要別人提供的物資或資料，才可完成任務。今週人馬座人士宜利用網絡資訊發揮你的創作能力，說不定你可從網絡上找到新靈感。健康方面，恐防受腰痛困擾。
幸運日： 1日要風得風
黑仔日： 2、 3、 4日上午諸事不順
幸運物：紙鎮
白羊座 21/ 3- 20/ 4
果敢兼進取的白羊座，今週有機會發揮才能。如欲一展所長，不妨於 1、 4日下午、 5、 6日積極行動，該 4日宜播種，待時機成熟時再收成。 4日下午、 5、 6日亦行心機一轉運，宜轉職、開店或作新挑戰，但如要創業，最好盡早籌集資金。健康方面，恐防因病菌感染而導致腸胃炎，進食時要小心。
幸運日： 1日薑不磨不辣
黑仔日： 7日恐防私隱被揭
幸運物：萬金油
獅子座 23/ 7- 23/ 8
下週開始，愛情運急上升，預測公私兩方面皆充實，今週宜畀心機工作。 7日屬凶日，不宜傾生意，更不應主動出擊，如有重要事，應提前辦妥。 4日下午、 5、 6日行中吉運，宜多方面收集情報，尤其工作上，更應多作調查及搜集資料。下週起愛情運上升，週末及週日宜先做好計劃，待下週來臨時可享受甜蜜戀愛。
幸運日： 1日吉日
黑仔日： 7日一波未平一波又起
幸運物：露出鎖骨上衣
山羊座 23/ 12- 20/ 1
今週難免撞板收場，提醒自己現正處於凶月，切忌勉強自己前進，否則只會為自己帶來壓力，緊記運勢不佳時，宜對自己降低要求，設定目標應比平時低，如有困難應找別人幫助。需知，山羊座人士比較自我，加上自尊心強，如遇上困難只會獨自承擔，最後令自己增添壓力，如降低自尊請求別人幫忙，除可緩和壓力，自己亦可輕鬆一點。
幸運日： 2、 3、 4日上午吉日
黑仔日： 4日下午、 5、 6日下半年最大級厄日
幸運物：喱士服
金牛座 21/ 4- 21/ 5
今週運勢起伏大，再者感情的起伏亦有高有低，故今週盡量求穩定過日。今週全體運處於低迷狀態，如欲發展事業，不如暫時維持原狀，如激發起上進意欲，恐防連帶情感亦變得激盪。今週姻緣運處於吉運，運勢好的日子，不妨多外出碰運氣， 2、 3、 4日上午，宜托朋友介紹對象，但 5、 6日屬低迷運，切忌主動出擊。
幸運日： 2、 3、 4日上午與誠實人結緣
黑仔日： 20、 21日恐防獨守空房
幸運物：長頸鏈
處女座 24/ 8- 23/ 9
下週開始愛情運下降，故所有拍拖或約會，請盡量於今週內進行，例如你想跟愛侶增進感情或修補關係的話，請於今週內行動，否則留待下週愛情運下降時才出動，恐防出現反效果。通常愛情運不佳時，宜將心機花於工作上。故今週趁愛情運還不錯的時候，盡量享受戀愛吧！健康方面，注意家居意外。
幸運日： 2、 3、 4日上午一帆風順
黑仔日： 1日恐防失手收場
幸運物：四川料理
雙魚座 20/ 2- 20/ 3
今週，雙魚座雖在摸索與愛侶的關係有多深，但始終找不出答案，最後令自己心底出現鬱結。今週雙魚座的愛情運不俗，但總覺得寂寞難耐，正因為你渴求與愛侶的關係更進一步，反而令你感到更加寂寞，而你愈想找答案，更令你鑽牛角尖，故今週宜保持正面思想，更要提醒自己要集中精神工作，分散對愛情的執着。
幸運日： 7日上環出現戀之預感
黑仔日： 4日下午、 5、 6日恐防出師不利
幸運物：古典音樂
本欄作者イーネ（洋名 Irene）
主力負責日本體育報紙《產經新聞報》每日星座運程。她亦曾是女性雜誌《女性自身》、《 JJ》時裝雜誌星座專欄作家。 Irene曾算中 2011年日本發生大地震。甚至 2012年倫敦奧運會日本游泳選手的勝敗。現於《產經新聞報》（
）的「每日占卜」、《 Fuji晚報》於逢週五刊載的「 Irene之占星術&風水」及《女性自身》中「一摘千金占卜」撰寫專欄。她的個人網頁中（
）亦每日 update她的「 Lucky Lunch」連載。註： 12星座因為派別學說的問題，在日期上的區分有一天差異，如你剛巧誕生在邊界日期，不妨把前後兩個星座運程預測作參考。
統籌、翻譯：何家文
网易论坛，天天相伴
《师父明白了》：很想很想，很信很信。
发帖: 1 篇
在线时长: 6 小时
真面目 天后爭寵 錫晒高圓圓 千嬅嬲偏心 杜sir爆粗：&！唔好講呢啲嘢！
可不可以看看这个？谢谢
下次自动登录
每30秒自动保存一次内容
中东味十足
24小时热帖榜
下次自动登录